Microsoft your phone app | iT Guider

                Microsoft အနေနဲ့ Windows 10 ပေါ်မှာ အသုံးပြုလို့ရမယ့် Feature အသစ်ကို မနေ့က မိတ်ဆက်ခဲ့တာ ဖြစ်ပါတယ်။ အဆိုပါ Feature အသစ်ဟာ Your Phone ဆိုတဲ့ Application တစ်ခုဖြစ်ပြီး ဖုန်းထဲက App တွေကို Window desktop ပေါ်မှာ ကြည့်နိုင်ခြင်း၊ အသုံးပြုခြင်းများ ပြုလုပ်နိုင်မှာ ဖြစ်ပါတယ်။ ဒါ့အပြင် iPhone က Webpages တွေကိုလည်း Windows 10 ပေါ်ကို အလွယ်တကူ ရွေ့ပြောင်းနိုင်မယ်လို့ သိရပါတယ်။ Microsoft အနေနဲ့ ဒီသတင်းကို နယူးယောက်မြို့မှာ မနေ့က ကျင်းပခဲ့တဲ့ Surface Hardware event မှာ ကြေငြာခဲ့တာ ဖြစ်ပါတယ်။

                အဆိုပါ Feature ဟာ Windows 10 October Update နဲ့အတူ ပါရှိလာမှာ ဖြစ်ကြောင်း Microsoft ရဲ့ ပြောကြားချက်များအရ သိရပါတယ်။ အခုထွက်ရှိလာမယ့် Your Phone App မှာ လောလောဆယ်မှာတော့ Android Message, Photo Apps တွေနဲ့ iPhone Webpage Transfer တို့သာ ပြုလုပ်နိုင်မှာဖြစ်ပြီး နောက်ပိုင်းမှာတော့ Android App တော်တော်များများကို အသုံးပြုနိုင်ဖို့အတွက် အဆင့်မြှင့်တင်မှုများ ပြုလုပ်သွားမယ်လို့ သိရပါတယ်။


                Your Phone App ကို အသုံးပြုဖို့အတွက် Windows 10 October Update ပြုလုပ်ရမှာ ဖြစ်ပြီး ဖုန်းနဲ့ ကွန်ပျူတာ ထဲက Files တွေကို ကြိုးမဲ့စနစ်နဲ့ ကူးယူ အသုံးပြုနိုင်မှာ ဖြစ်ပါတယ်။ ဖုန်းနဲ့ ချိတ်ဆက်ထားတယ်ဆိုရင် ဖုန်းအတွင်းက ဓာတ်ပုံတွေနဲ့ တခြား Files တွေကို ကွန်ပျူတာမှာရှိတဲ့ Power Point ဒါမှမဟုတ် Support ပြုလုပ်တဲ့ Windows 10 Apps တွေထဲကို Drag & Drop ပြုလုပ်ပြီး ကူးယူရုံပဲ ဖြစ်ပါတယ်။

From - The Verge
Originally published at - http://mytechmyanmar.com/microsoft-your-phone-app/

About the author

iT Guider

Success is the far side of failure.

Leave a Comment

This site uses Akismet to reduce spam. Learn how your comment data is processed.