Xiaomi က ဖုန်းအဟောင်း အပ်၍ ဖုန်းအသစ် လဲလှယ်နိုင်တဲ့ ၀န်ဆောင်မှုကို အွန်လိုင်းမှာပါ ပြုလုပ်ပေး - iT Guider
Mobile Tech

Xiaomi က ဖုန်းအဟောင်း အပ်၍ ဖုန်းအသစ် လဲလှယ်နိုင်တဲ့ ၀န်ဆောင်မှုကို အွန်လိုင်းမှာပါ ပြုလုပ်ပေး

Written by iT Guider
မြန်မာပြည်မှာတော့ ရမရဆိုတာ အတိအကျမသိရသေးဘူး။

ရှောင်မီက ယခင်နှစ် နိုဝင်ဘာလမှာ Mi Exchange အမည်ရ ဖုန်းအဟောင်း အပ်၍ ဖုန်းအသစ် လဲလှယ်နိုင်တဲ့ ၀န်ဆောင်မှုကို ပြုလုပ်ပေးခဲ့ပါတယ်။ ဒါပေမယ့် အဲဒီအချိန်တုန်းကတော့ Mi Home Store များမှာသာ ဒီဝန်ဆောင်မှုကို အသုံးပြုနိုင်ပါတယ်။ အခုတော့ ဒီဝန်ဆောင်မှုကို Mi.com ၀က်ဆိုက်မှာပါ အသုံးပြုနိုင်ပါပြီ။

Mi Exchange Program ဟာ ဖုန်းအဟောင်းများကို ငွေအလိုက်ပေး၍ ရှောင်မီ ဖုန်းအသစ်များနဲ့ လဲလှယ်နိုင်တဲ့ ၀န်ဆောင်မှု ဖြစ်ပါတယ်။ ဖုန်း လဲလှယ်လိုသူများက ဖုန်းအဟောင်းရဲ့ IMEI နံပါတ်ကို ထည့်သွင်းပေးရမှာ ဖြစ်ပါတယ်။ အဲဒီနောက်မှာ ဟန်းဆက်ရဲ့ အခြေအနေနဲ့ လက်ရှိ ဈေးကွက်မှ ဈေးနှုန်းများအပေါ် အခြေပြု၍ ဖုန်းအဟောင်းရဲ့ တန်ဖိုးကို တွက်ချက်မှာ ဖြစ်ပါတယ်။

Windows 10 License

၁၀၀ % စိတ်ချယုံကြည်စွာ ၀ယ်ယူနိုင်ပါတယ်

စကရင် ကွဲအက်နေတဲ့ ဖုန်ုးများ၊ ကိုယ်ထည် ပျက်ဆီးနေတဲ့ ဖုန်းများကိုတော့ လဲလှယ်လို့ မရဘူးလို့ ရှောင်မီက စည်းကမ်းသတ်မှတ်ထားပါတယ်။ ဖုန်းအဟောင်းဟာ ကောင်းမွန်တဲ့ အခြေအနေမှာ ရှိနေရမှာ ဖြစ်ပါတယ်။ ဖုန်းအဟောင်းရဲ့ တန်ဖိုးကို တွက်ချက်ပြီးနောက်မှာ Exchange Coupon ကို ရရှိမှာ ဖြစ်ပြီး ရှောင်မီရဲ့ ဖုန်းအသစ်ကို ၀ယ်ယူလျှင် အဲဒီ ငွေကြေးပမာဏကို ဈေးလျှော့ပေးမှာ ဖြစ်ပါတယ်။ ရှောင်မီက ဖုန်းလဲလှယ်လိုသူများအတွက် စည်းကမ်း အသေးစိတ်ကို Mi.com မှာ ထုတ်ပြန်ကြေညာထားပါတယ်။

Ref : Theverge
This contents is contributed by : DigitalTimes.com.mm

About the author

iT Guider

Leave a Comment

This site uses Akismet to reduce spam. Learn how your comment data is processed.